Энэ сарын 24-ний орой 7 магнитудаас давсан хоёр удаагийн хүчтэй газар хөдлөлт болсноос хойш Венесуэл улсад 24 цагийн дотор 138 удаагийн чичиргээ бүртгэгдэж, нас барагсдын тоо 188 болжээ.
Венесуэлийн Үндэсний Ассамблейн ерөнхийлөгч Хорхе Родригес орон нутгийн цагаар 25-ны 12:00 цагийн байдлаар хүчтэй газар хөдлөлтийн улмаас 138 удаа газар хөдлөлтийн дараах чичиргээ үүсч, 188 хүн нас барж, 1520 хүн гэмтэж, 157 хүн сураггүй алга болж, 200 орчим хүн нурангид дарагдсан гэж мэдэгдэв. Түүнчлэн, дор хаяж 346 барилга байгууламж эвдэрч, зарим барилгын хүмүүсийг нүүлгэн шилжүүлсэн бол энэ дотор найман эмнэлэг багтаж байна. Венесуэлийн засгийн газар Ла Гуайра муж зэрэг олон газрыг гамшгийн бүс гэж зарлажээ.
Родригесийн хэлснээр, 25-ны өдрийн үд дундын байдлаар АНУ, Мексик, Испани, Катар зэрэг орнуудаас аврах багууд, мөн НҮБ-ын аврах хүчин ирж эхэлсэн байна.
НҮБ-ын Ерөнхий нарийн бичгийн даргын хэвлэлийн төлөөлөгч Стефан Дужаррик 25-ны өдөр мэдэгдэл гаргаж, Венесуэл дэх НҮБ-ын агентлагууд тусламжийн нөөцийг дайчилж, Венесуэлийн засгийн газар болон түншүүдтэй хамтран газар хөдлөлтийн гамшгийн хариу арга хэмжээг дэмжиж байгааг тэмдэглэжээ
