Засгийн газрын ээлжит бус хуралдаанаас БОАЖ-ын сайд Н.Уртнасан, дэд сайд Ц.Батбаяр, Төрийн нарийн дарга Д.Ганболд нарыг чөлөөлсөн. БОАЖ-ын сайдын албан тушаалд ШӨХТГ-ын дарга Б.Бат-Эрдэнийг томилохыг МАН-ын Удирдах зөвлөл дэмжжээ. Ерөнхий сайд БОАЖ-ын сайд томилох асуудлыг Ерөнхийлөгчтэй зөвшилцөх үлдэж байна.
Б.Бат-Эрдэнэ нь МАН-ын НАМЗХ-ын ерөнхий нарийн бичгийн дарга, “JCI” Олон улсын байгууллагад ерөнхий нарийн бичгийн дарга, Монгол Улсын Шадар сайдын зөвлөхөөр тус тус ажиллаж байсан. 2015 онд МХЕГ-ын дэд даргыг түр орлон гүйцэтгэгчээр томилогдож байжээ. Харин 2018 онд ЗГХЭГ-ын дэд даргаар ажилласан. Тэрбээр 1999 онд “Улаанбаатар” их сургуулийг түүх судлаач мэргэжлээр төгссөн. Мөн БНСУ-ын “Корейн Айр” компанийн дэргэдэх академийг агаарын тээврийн мэргэжилтнээр төгссөн байна.
