Өвөрхангай аймгийн Бүсийн оношилгоо эмчилгээний төвд шинэ коронавирусийн сэжигтэй нэг хүн тусгаарлагджээ. Уг хүн нэгдүгээр сарын 30-нд БНХАУ-ын ӨМӨЗО-ы Шилийн гол аймгаас Эрээн-Замын-Үүд боомтоор дайрч ирсэн юм байна. Тэрбээр өнгөрсөн шөнө 10 гаруй хүнтэй цуг нэг гэрт Цагаан сарын бууз хийсэн юм байна.
Одоогоор өвчтөний биеийн байдал дунд зэрэг, биеийн халуун 38.5 хэм, толгой өвдөх, ханиалгах, амьсгалахад төвөгтэй болох, булчингаар өвдөх шинж тэмдэг илэрсэн байна. Түүнтэй хамт байсан хавьтлын 10 гаруй хүнд тандалт судалгаа хийж байгаа ажээ.
