Өвөрхангай аймагт БНХАУ-ын ӨМӨЗО-ы Шилийн гол аймгаас очсон иргэнээс коронавирусийн сэжигтэй шинж тэмдэг илрэн тусгаарлагдаад байгаа тухай ЭМЯ мэдээлсэн. Тиймээс Арвайхээр сумын Засаг дарга өнөөдөр захирамж гарган шинэ коронавирусийн халдварын эрсдэлээс урьдчилан сэргийлэх зорилгоор Арвайхээр сумын нутаг дэвсгэрт үйл ажиллагаа явуулж байгаа төрөлжсөн зах, томоохон худалдаа, үйлчилгээний төвүүдийн үйл ажиллагааг маргааш буюу 2020 оны хоёрдугаар сарын 09-ний өдрөөс эхлэн түр зогсоохоор шийдвэрлэжээ. Үүнээс гадна сум хоорондын зорчигч тээврийг түр зогсоосон байна.
