Ойрх Дорнод дахь сөргөлдөөний улмаас эрчим хүчний салбарт онц байдал зарлаж байгаагаа Филиппиний Ерөнхийлөгч бага Фердинанд Маркос мэдэгджээ.
Ойрх Дорнод дахь сөргөлдөөн Филиппиний эрчим хүчний хангамжид аюул заналхийлж байна гэж Ерөнхийлөгч Фердинад Маркос онцолсон байна.
Түүнчлэн түлш, хүнс, эм бэлдмэл зэрэг нэн хэрэгцээт бараа бүтээгдэхүүнийг хангах, хуваарилах, нийтийн үйлчилгээ, тээвэр, эрүүл мэндийн системийн амин чухал объектын тасралтгүй ажиллагааг хангах хороог Филиппиний Ерөнхийлөгчийн зарлигаар байгуулахаар болжээ.
Филиппин улс газрын тосны хэрэгцээнийхээ 98 хувийг Персийн булангаас импортолдог. Тиймээс Ойрх Дорнодод сөргөлдөөн гарсны дараа тус улсад бензин болон дизель түлшний үнэ хоёр дахин нэмэгджээ.
Эх сурвалж: Euronews
