Унгар улс хаалттай хэлэлцүүлгээс олж авсан мэдээллээ ОХУ-д дамжуулж болзошгүй гэсэн болгоомжлолын үндсэн дээр Европын Холбооны төлөөлөгчид цомхон бүрэлдэхүүнээр уулзах болжээ.
Түүнчлэн нууц мэдээлэл олж авах Унгарын боломжийг ихээхэн хязгаарласан байна.
Ийм арга хэмжээ авах болсон нь The Washington Post сонины мэдээлэлтэй холбоотой юм. Тус сонин мэдээлэлдээ Унгарын Гадаад хэргийн сайд Петер Сийярто олон жилийн туршид хурлын завсарлагааны үеэр Европын улс төрчдийн яриаг ОХУ-ын Гадаад хэргийн сайд Сергей Лавровт дамжуулж байсан хэмээн онцолсон байв. Петер Сийярто энэ мэдээллийг няцаасан юм.
Харин Европын холбоо энэ мэдээлэлд ихээхэн нухацтай хандаж байгаагийн дээр Унгараас албан ёсны тайлбар хүлээж байгаа аж.
