Нийслэлийн ИТХ-аас зөвхөн 16 нас хүрсэн хүнд л унадаг дугуй, мопед, суррон түрээсэлдэг болно гэж мэдэгдсэн. Энэ нь урин дулааны улиралд унадаг дугуй, суррон, скүүтэрийн хэрэглээ эрс нэмэгдэж, үүнийг дагаад замын хөдөлгөөний аюулгүй байдлын эсрэг хэрэг, зөрчил олон гардагтай холбоотой.
ГЕГ: Цахилгаан мотор, туслах хөдөлгүүрээр тоноглогдсон мопед, унадаг дугуйн импорт сүүлийн 3 жилд 10 дахин өсчээ. Монгол Улсад цахилгаан мотор, туслах хөдөлгүүрээр тоноглогдсон мопед, унадаг дугуйн импорт сүүлийн жилүүдэд эрчимтэй нэмэгдэж байна.
2022 онд 1065 ширхэг байсан импорт 2025 онд 12693 ширхэгт хүрч, 3 жилийн хугацаанд 10 дахин өссөн үзүүлэлттэй байна. Үнийн дүн мөн 1.47 сая ам.доллараас 4.74 сая ам.доллар болж нэмэгджээ.
ГССҮТ: Цахилгаан моторт дугуй, мопед, суррон, скүүтертэй холбоотой осол гэмтлийн тоо сүүлийн гурван жилд 3 дахин нэмэгджээ.
- 2022 онд – 50,
- 2023 онд – 305,
- 2024 онд – 532,
- 2025 онд 2820 хүн гэмтэж бэртсэн байна.
