Харчин ван Гүнсэнноров Монгол, Төвөдийн хэрэг эрхлэх товчооны дарга байхдаа 1913 онд Монгол, Төвөд сургуулийг байгуулжээ. Тухайн үед Өвөрмонголын бүх аймаг, хошуунаас сурагч элсүүлэн сургаж байсан аж. Гүнсэнноров монгол үндэстний мандал бадрал, аж ахуй, соёлын хөгжлийн төлөө олон өөрчлөлт шинэчлэлт хийсэн бөгөөд тэрбээр XX зууны эхээр цэргийн сургууль, албанаас эрхэлсэн шинэ маягийн сургууль, номын сан, сонин, шуудан, цахилгаан мэдээ, үйлдвэр, цагдаагийн товчоо, яламын мод тарих зэрэг олон үйлсийг анх эхлүүлж байжээ. Түүний байгуулсан Монгол, Төвөд сургууль нь монгол үндэстний улс төр, соёл, утга урлагийн нөлөө бүхийн олон хүнийг сурган хүмүүжүүлсэн сургууль юм. Одоо тус сургууль Бээжингийн төвийн их сургуулийн “Хараат” сургууль гэдэг нэртэй болж, үйл ажиллагаагаа явуулсаар байгаа аж.
