“Эрдэнэс Тавантолгой” ХК 2024 онд 4.5 их наядын цэвэр ашигтай ажиллажээ. Тус компани 30.4 сая тонн нүүрс олборлож, 29.6 сая тонн нүүрсний борлуулалт хийж, 3 тэрбум ам.долларын буюу 10.2 их наяд төгрөгийн борлуулалтын орлоготой ажилласан байна. Нийт 3.5 их наяд төгрөгийг улсын төсөвт татвар хэлбэрээр төвлөрүүлжээ. Ийнхүү өндөр үр ашигтай ажилласнаар нийт хувьцаа эзэмшигчдэд ногдол ашиг хуваарилах боломж бүрдсэн.
2024 оны цэвэр ашгаас 1072 хувьцаатай иргэнд 350 мянган төгрөгийн ногдол ашгийг гурав хуваан олгох шийдвэрийг компанийн Төлөөлөн удирдах зөвлөл гаргасан. Тус шийдвэрийн дагуу 2024 оны 12 дугаар сард 1072 хувьцаатай иргэнд татварын дараах дүнгээр 121,500 төгрөг олгосон. Тэгвэл “Эрдэнэс Тавантолгой” ХК-ийн ТУЗ-ийн хуралдаан 2025 оны хоёрдугаар сарын 19-нд болж, 1072 хувьцааны ногдол ашгийн үлдэгдэл 100.000 төгрөгийг хоёрдугаар сарын 28-нд, үлдсэн 90.000 гаруй төгрөгийг ирэх дөрөвдүгээр сард иргэдийн дансанд шилжүүлэх шийдвэр гаргасан юм.
Монгол түмний уламжлалт Сар шинийн баярыг угтаж “Эрдэнэс Тавантолгой” ХК 2024 оны ногдол ашгаа нийт хувьцаа зэмшигчдэдээ өнөөдрөөс олгож эхэллээ.
