CNN агентлагийн мэдээлснээр, АНУ-д хэт хүйтэрсний улмаас 15 хүн амиа алджээ. Тодруулбал, Охайо мужид цаг агаарын эрс тэс уур амьсгалын улмаас авто машины ослоор дөрвөн хүн, Канзас мужид гурав, Висконсин мужид нэг, Кентакки мужид гурван хүн нас баржээ. Түүнчлэн шуурганд дайрагдаж Теннесси, Миссури мужуудад тус бүр нэг хүн, Нью-Йорк мужид хоёр хүн нас барсан байна.
АНУ-ын цахилгаан эрчим хүчний хяналтын PowerOutage.us веб сайтын мэдээлснээр, Америкийн зүүн бүсийн цагаар 24-ний өдрийн 7 цаг 50 минутад, 1.6 сая гаруй хэрэглэгчийн цахилгаан хангамж тасалджээ. Цаг агаарын урьдчилсан мэдээгээр, 24-нд АНУ-ын төв, баруун болон зүүн хойд нутгийн ихэнх хэсэгт цагт 30-50 миль хүчтэй салхи шуурч, олон зуун хэрэглэгчийн эрчим хүчний хангамж тасалджээ. Мөн АНУ-ын хэмжээнд нийт 10 мянга гаруй онгоцны нислэг цуцлагдсан байна.
