Нийслэлд бага насны хүүхдүдийн дунд томуу, томуу төст өвчний халдварын тархалт нэмэгдэж байгаатай холбогдуулан нийслэлийн дүүргүүдийн эрүүл мэндийн төвүүд уртасгасан цагаар ажиллаж эхэлжээ. Цар тахлын хөл хорионы үеэр хүүхдүүдийн дархлаа суларснаас томуу, томуу төст өвчнөөр өвдөх нь их байгаа талаар эмнэлгийн ажилтнууд ярьж байна. Тодруулбал, томуу, томуу төст өвчний хүндрэл бага насны хүүхдүүд, тэр дундаа 0-1 насны хүүхдүүдийн дунд их байгаа ажээ. Баянгол дүүргийн эрүүл мэндийн төвд 294 хүүхэд томуу томуу төст өвчнөөр өвдөн хэвтэн эмчлүүлж байгаагийн 91 нь нэг хүртэлх насныхан байгаа аж.
Томуу, томуу төст өвчний дэгдэлт их байгаа энэ үед эцэг, эхчүүд гэр орондоо байнга чийгтэй цэвэрлэгээ хийж, агаар оруулж байх, хүүхдүүддээ шим тэжээлтэй хоол өгч, дархлааг нь дэмжих шаардлагатай гэдгийг эмч нар анхааруулж байна.
