Монгол Улсын Их Хурлын сонгуулийн 18, 28 дугаар тойрогт явагдах нөхөн сонгуулийг зохион байгуулах төрийн байгууллага, нэр дэвшигчдийн төлөөлөлтэй 2021 оны 10 дугаар сарын 08-ны өдрийн 15:00 цагт цахим уулзалт хийхээр болжээ.
Сонгуулийн бэлтгэл ажлын явц, зохион байгуулалтын талаар мэдээлэл солилцох уулзалтад Сонгуулийн ерөнхий хороо, нийслэл, аймаг, дүүргийн хороод, Цагдаагийн ерөнхий газар, Улсын бүртгэлийн ерөнхий газар, СЕХ-ны дэргэдэх Мэдээллийн технологийн төв болон УИХ-ын нөхөн сонгуульд оролцож буй нам, эвсэл, бие даан нэр дэвшигчдийн төлөөллийг оролцуулна.
