АНУ-ын Ерөнхийлөгч Ж.Байден Израиль, Палестины удирдагч нартай утсаар ярьж, Палестин, Израилийн хооронд үргэлжилж буй мөргөлдөөний талаар ярилцжээ.
Байден, Израилийн Ерөнхий сайд Нетаньяху, Палестины Ерөнхийлөгч Аббас нартай утсаар ярихдаа мөргөлдөөний улмаас энгийн иргэд хохирч байгаад сэтгэл эмзэглэж байгаагаа илэрхийлээд Палестины Исламын эсэргүүцлийн Хөдөлгөөн (ХАМАС) Израиль руу пуужин харвахаа даруй зогсоох ёстойг онцолжээ. Палестин, Израилийн удирдагч нартай утсаар ярихдаа Байден Палестин, Израилийн асуудлыг “хоёр улсын төсөл”-өөр шийдвэрлэхийг дэмжиж байгаагаа илэрхийлжээ.
