Шударга өрсөлдөөн, хэрэглэгчийн төлөө газраас гурил, талхны үнэд хяналт шалгалт хийжээ. Хяналтын улсын байцаагч нар худалдаа, үйлчилгээний байгууллагуудад шалгалт хийн, мэдээллээ газар дээрээс нь цахимаар шууд дамжуулж байгаа аж. Энэхүү шалгалтын нэгдсэн дүнг энэ долоо хоногт танилцуулах юм байна. Сүүлийн өдрүүдэд өргөн хэрэглээний зарим бараа бүтээгдэхүүн, тухайлбал талх, гурилын үнэ нэмэгдсэн талаар иргэд, хэрэглэгчдээс тодорхой санал, гомдлууд гарч байгаа юм. Тиймээс ШӨХТГ дээрх шалгалтыг зохион байгуулжээ.
