Ардчилсан намын 35 жилийн ойн хүрээнд ардчиллын үнэт зүйл, хүний эрх, эрх чөлөө, чөлөөт эдийн засгийг түгээн дэлгэрүүлэх, бататган бэхжүүлэх үйлсэд оруулсан онцгой гавьяа зүтгэлийг үнэлж Намын тэргүүн зэргийн “Чингисийн одон”-г Ардчилсан намын Дотоод сонгуулийн хорооны гишүүн Б.Ариунболд, Э.Ганболд нарт хүртээлээ.
Б.Ариунболд нь Монгол Улс ардчилсан тогтолцоонд шилжсэн цагаас эхлэн нийгмийн шинэчлэл, манлайлалд идэвхтэй оролцож ирсэн ардчиллын ууган манлайлагчдын нэг юм. Тэрбээр 1989 оноос өнөөг хүртэл ардчилсан үзэл баримтлал, ардчиллын үнэт зүйл, хүний эрх, эрх чөлөө, чөлөөт зах зээлийн үзэл санааг түгээн дэлгэрүүлж хөгжүүлэхийн төлөө намын бүх шатанд ажиллаж байгаа билээ. Тиймээс Монгол Улсын ардчилал болон Ардчилсан Намд оруулсан хөдөлмөр зүтгэлийг үнэлж Ардчилсан Намын тэргүүн зэргийн шагнал “Чингисийн одон”-гоор шагнаж буй юм.
