Баянзүрх дүүүргийн “Төгс дэлгэрэх” ЕБС-ийн 5в ангийн сурагч Наранбаатарын Содбилэг хүү цахим хичээлийнхээ хажуугаар чөлөөт цагаараа хүүхэд, багачуудад зориулан үлгэрийн ном бичиж эхэлжээ.
Тэрбээр өөрийн зохиосон үлгэрээ “Ухаант мэргэн” нэртэйгээр цувралаар хэвлүүлэн “Аз хур”, “Мир” номын дэлгүүрүүдэд худалдаалсан байна. Н.Содбилэг номынхоо орлогоос Улсын онцгой комисст 500 мянган төгрөгийг хандивлахаар шийдэж аавын хамт ирж гардуулан өгсөн байна. Түүний зохиосон “Ухаант мэргэн” ном нь 5 боть бөгөөд хоёр нь үлгэрийн, гурав нь комик хэлбэрээр бүтээгдсэн. Үлгэрийн ном нь 9900, комик ном нь 5500 төгрөгөөр худалдаалагдаж байгаа ажээ.
