Шударга өрсөлдөөн, хэрэглэгчийн төлөө газраас худалдаа, үйлчилгээний салбарын байгууллагуудад ээлжит хяналт шалгалт хийжээ. Хяналт, шалгалтын явцад худалдаа, үйлчилгээний байгууллагууд хэрэглэгчдэд бараа, ажил үйлчилгээнийхээ талаар үнэн зөв мэдээлэл өгөх хуулийн шаардлагыг биелүүлэхгүй байгаа нийтлэг зөрчил тогтоогдсон байна. Иймд нэр бүхий аж ахуй эрхлэгчдэд Хэрэглэгчийн эрхийг хамгаалах тухай хуулийг биелүүлж ажиллах асуудлаар хугацаатай албан шаардлага өгчээ.
Иргэд бараа сонгохдоо үнэ, хаана, хэзээ үйлдвэрлэгдсэн зэрэг мэдээллийг заавал авах ёстой. Зарим худалдааны төвд зарагдаж байгаа бүтээгдэхүүнүүд хаяг, шошго нь ойлгомжгүй, тавьсан үнээс өөр үнээр касс дээр бичигддэг зэрэг зөрчил их байгааг иргэд ярьж байна. Зөрчлийн тухай хуульд зааснаар үйлдвэрлэгч, худалдагч, гүйцэтгэгч барааныхаа талаар үнэн зөв мэдээлэл өгөөгүй тохиолдолд иргэнийг 500 мянган төгрөг, аж ахуйн нэгжийг 5 сая төгрөгөөр торгох зохицуулалттай юм.
https://www.facebook.com/afccpmongolia/videos/606467266967241/?t=73
