БНСУ-ын алдарт “Blackpink” охидын хамтлаг шинэ уран бүтээлээ олон нийтэд цацах бүрдээ ковер бүжгийн тэмцээн зохион байгуулдаг билээ. Тэгвэл тэд өнгөрсөн сард гаргасан “How You Like That” дуун дээрээ нийт 20 сая вонын шагнал бүхий ковер бүжгийн тэмцээн зарлаж байгаа бөгөөд уг тэмцээнд монгол охидын хамтлаг анх удаа оролцож байна.
Тэмцээнд нэгдүгээр байр эзэлсэн баг 10 сая вон, хоёрдугаар байр эзэлсэн баг 6 сая вон, гуравдугаар байр эзэлсэн баг 4 сая вонын эзэн болох юм. Ялагчийг долдугаар сарын 28-ны өдөр “YG” энтертайнментийн шүүгчдийн өгсөн үнэлгээ болон Youtube хуудсан дээрх бүжгийн бичлэгийн хандалтаар дундажлан тодруулах тул дээрх ковер бичлэгүүдийг үзэж монгол охидоо дэмжээрэй!
Өнгөрсөн жил “Blackpink” хамтлагийн “Kill This Love” дуун дээр зарлагдсан тэмцээнд Тайланд улсын “Victory” баг тэргүүлж байжээ.
