ОХУ-ын спортын “Allsport” сониноос 1992-2020 оны ОХУ-ын чөлөөт бөхийн шилдэг 10 тамирчныг санал асуулгаар тодруулжээ. “Атланта-1996”, “Афин-2004”, “Бээжин-2008” олимпын наадам, 1995, 1997, 1998, 2001, 2003, 2005 оны дэлхийн аварга Бувайсар Сайтиевыг Оросын хамгийн шилдэг бөхөөр маргаангүй тодруулсан байна. Санал асуулгын хувиар авч үзвэл тэрбээр 84.8 хувийн саналаар тасархай тэргүүлжээ. “Афин-2004”, “Бээжин-2008” олимпын аварга Мавлет Батыров 5.7 хувийн саналаар удаалж, ОХУ-ын олимпын анхны эмэгтэй аварга Наталья Воробьева 0.6 хувийн саналаар гуравдугаар байрт эрэмбэлэгдсэн байна. 4-10 дугаар байрт орсон бөхчүүд 8.9 хувийн саналыг хуваан авчээ. Бөхийн зарим мэргэжилтэн энэхүү жагсаалттай санал нийлэхгүй байгаагаа дурдсан байна. Учир нь, олимпын мөнгө, хүрэл медальт, дэлхийн дөрвөн удаагийн аварга Бесик Кудухов, дэлхийн гурван удаагийн аварга Денис Царгуш, хошой аварга Махач Муртазалиев, Сажид Сажидов, Заурбек Сидаков тэргүүтэй олон шилдэг бөх жагсаалтын эхний 10-т багтаагүй аж.
ОХУ-ЫН ТҮҮХЭН ДЭХ ШИЛДЭГ 10 БӨХ:
Бувайсар Сайтиев
Мавлет Батыров
Наталья Воробьева
Давид Мусульбес
Хажимурад Гацалов
Абдулрашид Садулаев
Адам Сайтиев
Хажимурад Магомедов
Сослан Рамонов
Алёна Карташова
