Испанийн Барселон хотын дуурийн театрт өнгөрөгч даваа гарагт нэгэн өвөрмөц тоглолт болжээ. Тус хотын Гран Театро дель Лисео дуурийн театр 2292 ургамалд зориулж Жакомо Пуччинигийн “Крисантеми” хэмээх чавхдаст хөгжмийн дөрвөлийг тоглосон байна.
Энэ нь нэг талаар урлаг, дуу хөгжим хийгээд байгалийн үнэ цэнийг бэлгэдсэн, нөгөө талаар дуурийн театрын үйл ажиллагаа буцаж сэргэснийг илтгэсэн үйл ажиллагаа гэж Гран Театро дель Лисео театрын мэдэгдэлд дурджээ.
Испани улсад коронавирусийн халдвар дэгдэж онц байдал зарласантай холбоотойгоор тус театр гуравдугаар сарын дундаас хойш бүх хөтөлбөр, тоглолтоо цуцалжээ. Харин өнгөрсөн ням гарагт онц байдлыг цуцалж, соёл, урлагийн арга хэмжээнүүдийг цөөн тооны үзэгчтэйгээр зохион байгуулахыг зөвшөөрсөн байна.
Иймээс Гран Театро дель Лисео дуурийн театр ийнхүү өвөрмөц хэлбэрээр нээлтийн үйл ажиллагаагаа зохион байгуулсан аж.
Тоглолтыг YouTube-ээр шууд дамжуулжээ.
