УИХ-ын ээлжит сонгуулийн санал хураалт үргэлжилж байна. Санал хураалтын үеэр Сонгуулийн ерөнхий хороонд ирж байгаа санал, гомдлын ихэнх нь санал өгөх хэсгийн хорооныхоо байршлыг асуусан дуудлага байгаа ажээ. Тиймээс санал авах байрныхаа байршлыг 1800-2800, 1900-1950, 1900-1617 утсаар лавлах боломжтой гэдгийг сонгогчдодоо анхааруулж байна.
Түүнчлэн саналаа өгсөн сонгогчид саналаа өгсөн иргэдэд урамшуулал, хөнгөлөлттэй үнээр үйлчлэх байгууллагууд зарлагдсан тул бүртгэлийн хуудсаа авах хүсэлт гаргах тохиолдол цөөнгүй гарч байгаа гэнэ. Энэ жилийн хувьд сонгогчийг саналаа өгснийг илтгэсэн ямар нэгэн тэмдэглэгээ хийхгүй, бүртгэлтэй сонгогчид олгосон бүртгэлийн хуудсыг хэсгийн хорооны гишүүн хураан авч саналын хуудсыг олгох хуулийн заалт хэрэгжиж буй ажээ.
Түүнчлэн сонгогч саналын хуудсаа ямар нэг байдлаар баримтжуулж зураг авах, бичлэг хийх үйлдэл гаргавал 10 сая төгрөгөөр торгох хуулийн заалттай юм.
