УИХ-ын гишүүн, Зам, тээврийн хөгжлийн сайд Б.Энх-Амгалан өнөөдөр Говь-Алтай аймгийн “Говь-Алтай АЗЗА” ТӨХК-ийн авто замчдын Баарангийн даваанд гүйцэтгэж буй зам засварын ажилтай танилцжээ. Говь-Алтай аймгийн Баарангийн давааны авто замд туузан хашлагагүйгээс үүдэн цас, бороотой, үзэгдэх орчин хязгаарлагдмал үед осол гарах өндөр эрсдэлтэй байсан бөгөөд тус компанийн зүгээс хүсэлт ирүүлсний дагуу асуудлыг судлан үзэж, төсөвт өртгийг 2020 оны Улсын төсвийн Зам, тээврийн хөгжлийн сайдын багцад тусгуулснаар ийнхүү хөдөлгөөний аюулгүй байдал хангагдах боломж бүрдэж байна.
Зам, тээврийн хөгжлийн сайд Б.Энх-Амгалан зам засварын ажилтай танилцах үеэрээ цаг уурын ямар ч нөхцөлд ажил үүргээ ажрахгүй гүйцэтгэдэг авто замчдадаа талархаж буйгаа хэлээд, ажлын амжилт хүсчээ. Мөн тус байгууллагын парк шинэчлэлд онцгой анхаарч ажиллахаа илэрхийлсэн байна.
