Дорноговь аймаг дахь “Улаанбаатар төмөр зам” ХНН-ийн Зүүнбаян өртөөнөөс Тавантолгойн уурхай хүртэл үргэлжлэх 414.6 километр төмөр замын төсөл амжилттай хэрэгжиж, энэ сарын 13-ны өдөр эхний 50 километр дээд бүтцийг угсарч дууссан бол өчигдөр эхний гүүрийн дам нурууг барьж дуусгажээ.
Энэхүү төслийн хүрээнд нийт 27 ширхэг төмөр бетон гүүр, 594 ширхэг ус зайлуулах хоолой бүхий хиймэл байгууламж, мал амьтны 12 ширхэг гарцыг барьж, байгуулах юм. Төслийн Ерөнхий захиалагч “Монголын төмөр зам” ТӨХК, доод бүтцийн ерөнхий гүйцэтгэгчээр Зэвсэгт хүчний жанжин штаб, дэд бүтцийн ерөнхий гүйцэтгэгчээр “Улаанбаатар төмөр зам” ХНН, хяналтын гүйцэтгэгч “Тавантолгой төмөр зам” ХХК болон туслан гүйцэтгэгчээр дотоодын компаниуд ажиллаж буй юм.
