Үндэсний бөхийн салбар хорооноос чиглэл хүргүүлэв

Үндэсний бөхийн салбар хорооноос цар тахлын үед Улсын баяр наадам зохион байгуулахтай холбоотойгоор Монголын үндэсний бөхийн холбоонд чиглэл хүргүүлжээ. Баяр наадамд барилдах 512 бөхийг энэ сарын 26-28-нд цахимаар болон шаардлагатай тохиолдолд зарим бөхийг биечлэн байлцуулж бүртгэхээр болсон байна. Бөхчүүд наадмын өдрүүдэд хэрэглэх хүнс, сандал, нарны хаалт зэргийг хувийн зүгээс бэлтгэх, харин бөхийн цэц, засуул, жаяг дэгийн багийн өдрийн хоолыг бөхийн салбар комиссоос гаргах юм. Барилдах бөхчүүд гэр бүл, ойр дотнын найз нөхөд, багш, дасгалжуулагч, шавь зэрэг ямар ч хүнийг наадмын талбай руу явах автобусанд дагуулж орохгүй байх зааврыг гаргасан байна. Харин бөхчүүд, аймгийн галуудад үндэсний бөхийн барилдаан, уламжлагдан ирсэн жаяг дэг, хүчит бөх, бөхийн гараа дэвээ, ам угтуул авах ёс, бөхийн өмсгөл хувцас хэрэглэл, бөхчүүд хоорондын эерэг сайхан харилцаа зэргийг сурталчлах, түгээн дэлгэрүүлэх чиглэлийг өгчээ.