Жорж Флойдод зориулан инстоляц бүтээв

Би амьсгалж чадах­гүй байна… Энэ бол цагдаагийн буруутай үйлдлээс болж амиа алдсан афро америк гаралтай залуугийн хэлсэн сүүлчийн үг юм. Түүний хэлсэн энэ үгээр инстоляц бүтээснээ Жемми Холмс тэнгэрт хөөргөж, олон нийтэд сонирхуулжээ. Америк уран бүтээлч Жемми Холмс нэгэн арт галерейнхантай хамтран цагдаа нарын гарт амиа алдсан Жорж Флойдын гэгээн дурсгалд зориулан цуврал бүтээл хийснээ танилцуулсан нь энэ юм. Тэрбээр Жорж Флойдын хэлсэн үгсийг Нью-Йорк, Даллас, Детройт, Майами, Лос-Анжелес хотын дээгүүр онгоцоор хөөргөсөн байна. “Гуйя, би амьсгалж чадахгүй байна”, “Миний гэдэс, хүзүү өвдөж байна”, “Тэд намайг алах нь” гэх үгс нь Жорж Флойдын нас барахаасаа өмнө хэлсэн хамгийн сүүлчийн үг байв. Жемми бүтээлүүдээ танилцуулах үеэр “Айдас түгшүүрт автсан хар арьст залуусын адилаар би ч мөн цагдаа нарын шударга бус үйлдлийн хохирогч болж байсан” гэж бичжээ.