“Цааснаас цахимаар уншъя”, “Гэртээ хүссэнээрээ уншъя” уриатай 27 дахь удаагийн номын баяр хоёр дахь өдрөө үргэлжилж байна. “Улаанбаатарын номын баяр-2020” гурван өдөр үргэлжлэх бөгөөд цахим хэлбэрээр зохион байгуулж байгаагаараа онцлогтой. Мөн “Мишээл экспо” төвд иргэд хүрэлцэн очиж зохиолчдын номыг гарын үсэгтэйгээр худалдан авах боломжтой юм.
Өнгөрсөн сард зохион байгуулагдах байсан ч COVID-19-ийн халдварын нөхцөл байдлаас болж хойшлогдсон номын баярын зохион байгуулагчаар “M plus”, мэдээллийн ивээн тэтгэгчээр МОНЦАМЭ агентлаг, дэмжигч байгууллагаар “Kewiko”, JCI, “Монгол шуудан”, “Hatun model talent managment” загварын агентлаг зэрэг байгууллага оролцож байгаа ажээ.
