Бразилын хойд нутгийн Рорайма мужийн прокурор сүүлийн үед тухайн нутгийн Яномами уугуул оршин суугчдын гомдлыг олон удаа хүлээн авсан байна. Гаднаас ирж хууль бусаар алт олборлогчид тухайн нутгийн уугуул оршин суугчид COVID-19 цар тахлын халдвар авах эх үүсвэр болж байна гэж уугуул оршин суугчид заргалджээ. Яномами уугуул оршин суугчид бол Амазон бүс нутаг дахь COVID-19 цар тахал хамгийн амархан халдварладаг овог аймаг гэдгийг Бразилын нийгмийн орчны судалгааны газрын судалгаа харуулжээ. Рорайма мужийн прокурор энэ хэргийг мөрдөн шалгаж эхэлсэн байна.
Яномами уугуул оршин суугчид голдуу Бразилын хойд нутгийн Рорайма муж, Амазон муж дахь 9000 га ойн бүсэд тархан амьдардаг, 27 мянган хүн амтай. Энэ оны гуравдугаар сараас эхлэн 20 мянга шахам хууль бусаар алт олборлогч энэ бүсэд ирж үйл ажиллагаа өрнүүлж, тэд хүнс болон ундаа авчран уугуул иргэдтэй бизнесийн солилцоо хийж, улмаар COVID-19 цар тахлыг тухайн нутгийн иргэдэд халдаасан байна.
