Энэ сарын тавдугаар сарын 15-ны өдөр Хэнтий аймгийн Норовлин сумын нутаг “Онон” багийн нутаг Шанаган булагт Баян-Адарга сумын айлын саравчнаас гал алдаж хээрийн түймэр гарчээ. Түймрийг унтраахаар Норовлин сумын мэргэжлийн анги, сайн дурын бүлгийн залуус мэргэжлийн өндөр түвшинд зохион байгуулалт сайтай ажиллаж гамшгийн түвшинд хүрсэн их салхи, шуурганы өмнө унтрааж чаджээ.
Сумын Засаг даргын Тамгын газрынхан түймэр унтраах залуусыг эрсдлээс хамгаалан удирдлага зохион байгуулалтаар бүрэн хангаж ажилласан байна. 23-27 метр/секунд хурдтай салхитай өрсөн ой хээрийн түймрийг унтрааж чадсан нь удирдлага, зохион байгуулалт сайн байсных гэдгийг мэргэжлийн байгууллагынхан хэлж байна.
