Увс аймгийн Баруунтуруун суман дахь хилийн 0311 дүгээр ангийн малын суурьт хил хамгаалах байгууллагын малчин, ахлагч Б.Сүхбаатарын хотонд гурван ихэр хурга төржээ. Гурван ихэр хурга нь ховорхон тохиолдол бөгөөд мал сүрэг нь өсөн нэмэгдэхийн бэлгэдэл хэмээн эртнээс бэлгэшээж ирсэн уламжлалтай.
Дашрамд дурдахад, гуравдугаар сарын 20-ны өдрийн байдлаар улсын хэмжээнд төллөвөл зохих 29,2 сая толгой эх малын 7,4 хувь буюу 2,2 сая эх мал төллөөд байна. Төллөсөн хээлтэгчийн 2,3 хувь нь бод, 97,3 хувь нь бог малын хээлтэгч байна. Улсын хэмжээнд 2.2 сая төл хүлээн авч, төл бойжилт 98,4 хувьтай байна. Улсын хэмжээнд оны эхний нийт малын 0,5 хувь нь зүй бусаар хорогдсон байна. Нийт малын 0,5 хувь хорогдсон нь хэвийн хорогдолд тооцогдож байна.
