Шинэ коронавирусийн халдвар дэгдээд буй энэ үед ашиг хонжоо олох зорилгоор хуурамч бараа бүтээгдэхүүн худалдаалах, олон нийтийн сүлжээ, хэвлэл мэдээллийн хэрэгсэл ашиглан зарж борлуулах зөрчил гарах болжээ. Шударга өрсөлдөөн, хэрэглэгчийн төлөө газраас эм ханган нийлүүлэх байгууллага болон эмийн сангуудын гар ариутгагч, спирт зэрэг ариутгалын бүтээгдэхүүний нөөц, хангамжид хийсэн шалгалтаар гарал үүсэл тодорхойгүй, хэн, хэзээ, хаана үйлдвэрлэсэн нь мэдэгдэхгүй “Санитол” нэрийн гар халдваргүйжүүлэгч зарж байгаа нь илэрчээ. Иймээс Шударга өрсөлдөөн, хэрэглэгчийн төлөө газраас иргэдийг хуурамч бараа, бүтээгдэхүүн худалдан авч хохирохгүй байхыг сэрэмжлүүлж байна.
