Гадаад харилцааны сайд Д.Цогтбаатар өчигдөр Бүгд найрамдах Беларусь улсаас Монгол Улсад суугаа Элчин сайд С.Чепурнойг хүлээн авч уулзжээ. Уулзалтын үеэр Монгол, Беларусийн улс төр, худалдаа, эдийн засгийн хамтын ажиллагааг өргөжүүлэн хөгжүүлэх, Минск хотноо ЭСЯ нээх, дээд, өндөр түвшний айлчлал хэрэгжүүлэх болон 2020 онд хамтран зохион байгуулахаар төлөвлөж буй арга хэмжээнүүдийн талаар санал солилцсон байна. Элчин сайд С.Чепурной Монгол Улсын ЭСЯ-ыг Минск хотноо нээж, үйл ажиллагааг нь эхлүүлэхэд Беларусийн тал бүх талын дэмжлэг туслалцаа үзүүлэхээ илэрхийлжээ.
Түүнчлэн Улаанбаатар хотноо 2019 оны дөрөвдүгээр сарын 19-ний өдөр гарын үсэг зурсан “Монгол Улсын Засгийн газар, Бүгд найрамдах Беларусь улсын Засгийн газар хоорондын Экспортын зээлийн ерөнхий хэлэлцээр”-ийн хүрээнд хөдөө аж ахуй, зам, тээвэр, хот байгуулалт, онцгой байдлын салбарт шаардлагатай техник, тоног төхөөрөмжийг нийлүүлэх явцын талаар санал солилцсон байна
