Монгол Улс Цөлжилттэй тэмцэх талуудын 17-р бага хурлыг эх орондоо зохион байгуулснаар зочлох үйлчилгээний салбарын хувьд дэлхийн жишигт хүрсэн гэдгээ харууллаа. Энэ бол тухайн салбарын аж ахуйн нэгжүүдийн олсон бодит орлогоос гадна үйл ажиллагааны чанар, стандарт, соёлд өвлөгдөн үлдэх том үр өгөөж юм.
COP17 өдрүүдэд үйлчилгээний 33 аж ахуйн нэгж өдөрт 4500-5000 буюу нийт 50 гаруй мянган хоол, кофе, цайгаар үйлчилсэн бөгөөд явуулын лаборатори ажиллуулснаас гадна байгальд ээлтэй, хурдан задардаг дахин боловсруулдаг сав баглаа боодол ашигласан төдийгүй эрүүл ахуйн шаардлага бүрэн хангасан үйлчилгээг үзүүлж, дэлхийд стандартад нийцүүлж ажиллалаа.

