Ираны ГХЯ-ны сайд Зариф “Европын орнууд Ираны цөмийн асуудлыг НҮБ-ын Аюулгүй зөвлөлд хэлэлцүүлэхээр өргөн баривал Иран цөмийн зэвсгийг түгээн дэлгэрүүлэхгүй байх гэрээнээс гарна” гэж мэдэгджээ.
Тэрээр “Европ “Зүй зохисгүй үйл ажиллагаа”-гаа үргэлжлүүлэх буюу Ираны цөмийн асуудлаарх холбогдох баримт бичгийг НҮБ-ын Аюулгүйн зөвлөлд хэлэлцүүлэхээр өргөн баривал Иран цөмийн зэвсэг түгээн дэлгэрүүлэхгүй байх гэрээнээс гарна. Европ хэрэв Ираны цөмийн асуудлаарх гэрээний үүрэг хариуцлагаа биелүүлж, тус гэрээний хүрээнд Ираны эдийн засгийн ашиг сонирхлыг хамгаалбал Иран тус гэрээг дахин шинээр мөрдөнө. Их Британи, Франц, Герман улс Ираны цөмийн асуудлаарх маргааныг шийдвэрлэх механизм хэрэгжүүлэх нь хууль бус юм” гэжээ.
Эх сурвалжийн мэдээлснээр, Зариф ийнхүү байр сууриа илэрхийлсэн нь өнгөрсөн долоо хоногт Их Британи, Франц, Герман гурван орон Ираны цөмийн асуудлаарх хэлэлцээрийн тухай шинэ бодлого хэрэгжүүлэхээр хэлэлцсэний хариу юм гэж Ираны хэвлэлд бичжээ.
