Сөргөлдөөнийг зохицуулах энхийн төлөвлөгөөний төслийг Иран Пакистанаар дамжуулан АНУ-д хүлээлгэн өгсөн. Энэ саналд АНУ хариу өгсөн, одоо хариуг судлаж байгаа гэж Ираны Гадаад хэргийн яамны төлөөлөгч мэдэгджээ.
Иран санал болгосон төлөвлөгөө нь 14 заалттай, гэхдээ энэ баримт бичигт цөмийн хөтөлбөртэй холбоотой санал санаачилга багтаагүй аж.
Харин 30 хоногийн дотор байлдааны ажиллагааг зогсоох, бүслэлтийг цуцлаж, Ормузын хоолойг нээх саналыг АНУ-д тавьжээ. Ираны тал санал болгож байгаачлан, эхний ээлжинд тохиролцоонд хүрсний дараа хэлэлцээ хийх нэг сар эхлэх юм байна.
Эх сурвалж: DW
