Ирэх 05 дугаар сарын 09-ний өдөр Москва хотын Улаан талбайд болох ёслолын жагсаалд цэргийн техник оролцохгүй гэж ОХУ-ын Батлан хамгаалах яам мэдэгджээ.
“Явган цэргийн цувааны бүрэлдэхүүнд бүх төрлийн цэргийн дээд сургуулийн цэргийн алба хаагчид оролцоно. Өнөөгийн шуурхай нөхцөл байдалтай холбоотойгоор цэргийн техникийн цуваа оролцохгүй” гэж БХЯ-ы мэдэгдэлд өгүүлсэн байна.
Цэргийн техникийн цувааг ёслолын жагсаалд оролцуулахгүй байхаар шийдсэн нь ОХУ 2022 онд Украин руу довтолсноос хойших анхны тохиолдол болж байгаа юм.
Түүнчлэн энэ жилийн цэргийн ёслолын жагсаалд цэргийн дунд сургуулиудын сурагчид оролцохгүй аж. Харин нислэгийн бүлэг оролцох юм байна.
Эх сурвалж: ТАСС
