УИХ-ын чуулганы нэгдсэн хуралдаанаар Монгол Улсын засаг захиргаа, нутаг дэвсгэрийн нэгж, түүний удирдлагын тухай хуульд өөрчлөлт оруулах тухай хуулийн төслийн эцсийн хэлэлцүүлгийг хийж, баталлаа.
Энэхүү хуулийн төслийг У.Отгонбаяр нарын найман гишүүнээс өргөн мэдүүлсэн юм. Төслийн агуулга нь аймаг, нийслэл, сум, дүүргийн ИТХ-ын төлөөлөгчдийн 50 хувь нь төрийн захиргааны албан хаагч байж болох тухай юм.
Хууль санаачлагчид уг хуулийн төслийг баталснаар иргэд төлөөллийн байгууллагаараа дамжуулан нутгийн удирдах ёсны үйл ажиллагаанд оролцох оролцоо ижил түвшинд хүрнэ гэж үзжээ.
