АНУ-ын Ерөнхийлөгч Доналд Трамп Ираны эрчим хүчний дэд бүтцэд цохилт өгөхөө 10 хоногоор хойшлуулжээ. Ираны Засгийн газрын хүсэлтээр ийм шийдвэр гаргасан гэж Ерөнхийлөгч Доналд Трамп Truth Social дахь цахим хуудсандаа бичсэн байна.
“Би тэдэнд 10 хоногийн хугацаа өглөө. Тэд 7 хоногийн хугацаа хүссэн, харин би 10 хоног өгч байна. Та нарт 10 хоногийн хугацаа байна. Тэд үүний төлөө маш их талархсан. Гэхдээ “Бид тэгж яриагүй” гэж тэд ярих л байх. Бид хэлэлцээ хийж байгаа, муугүй урагшилж байна” хэмээн Доналд Трамп мэдэгджээ.
АНУ-ын Ерөнхийлөгч Доналд Трамп Иран Ормузын хоолойг нээхгүй бол тус улсын эрчим хүчний дэд бүтцэд цохилт өгнө хэмээн сүрдүүлж байв. Харин 03 дугаар сарын 23-ны өдөр мэдэгдэл хийхдээ Ирантай хэлэлцээ хийхийн тулд цохилтыг 5 хоногоор хойшлуулж байгаагаа онцолж байсан юм.
Эх сурвалж: Truth Social, BBC
