Орос, Украины хооронд нэн даруй, бүрэн, болзолгүйгээр гал зогсоохыг уриалсан тогтоолыг НҮБ-ын Ерөнхий ассамблей гаргажээ.
ОХУ Украины нутаг дэвсгэр рүү халдсаны 4 дэх жилд зориулсан Ерөнхий ассамблейн 11 дэх онцгой чуулганы үеэр гаргасан “Украинд бат бэх энх тайван тогтоохыг дэмжих” нэртэй энэхүү тогтоолыг дэлхийн 107 орон дэмжиж, 12 орон эсрэг санал өгсөн байна. Мөн 51 орон түдгэлзсэн санал өгсний дотор АНУ, Монгол Улс багтаж байгаа бол эсрэг санал өгсөн орнуудын тоонд ОХУ, Беларусь, Куба, БНАСАУ, Судан, Иран зэрэг орнууд багтжээ.
