Монгол Улсын дархан аварга Д.Цэрэнтогтохын зээ хүү, Монгол Улсын гарьд Д.Рагчаагийн хүү Асахакүрюү Р.Жамъянтогтох мэргэжлийн сүмод амжилттай барилдаж дээд зиндаанд дэвшиж Монголын 32 дахь маэгашира болсон билээ. Түүний дээд зиндаанд дэвшсэний найр энэ сарын 11-нд Токиод болж, 130 хүн оролцжээ.
Өглөөний цагаан луу энэ жил 27 настай. 185 см өндөр, 153 кг жинтэй. 2015 онд Японд ахлах сургуульд суралцахаар ирэхдээ одоогийн ёкозүна Хоошёорюү, маэгашира Оошёоүма нартай хамт нэг онгоцоор ирж байсан гэнэ. Түүнийг дээд сургуульд суралцаж байхад нь Хоошёорюү жюүрёод дэвшиж, Оошёоүма оюутны ёкозүна болж байжээ.
Асахакүрюү Р.Жамъянтогтох “Энэ жилийн зорилго бол комүсүби, сэкивакэ цол авах” гэжээ.
