Үндэсний статистикийн хорооноос Хүн ам, орон сууцны 2025 оны завсрын тооллогыг зохион байгуулж байна. Энэ жилийн тооллогыг бүртгэлд суурилсан аргаар зохион байгуулж байгаагаарай онцлог. Энэ нь иргэдийнхээ төрд байгаа мэдээлэлд үндэслэл хүн ам, орон сууцны тооллогыг зохион байгуулж байгаа гэсэн үг.
Гэхдээ иргэд өөрийн болон гэр бүлийнхээ гишүүдийн төрд байгаа мэдээллийг шалгаж, нэмж засварлах боломжтой. Үндэсний статистикийн хороо болон аймаг, нийслэлийн сум, дүүрэг, хорооноос мэдээлийг тодруулах шаардлагатай иргэд рүү 7015-1212 дугаарын утас болон тухайн тооллогын комиссын гишүүд өөрсдийн утсаар иргэн тан руу холбогдож мэдээлэл, тодруулга авбал үнэн зөвөөр мэдээллээ өгөөрэй.
Монгол Улсын иргэн та Хүн ам, орон сууцны 2025 оны завсрын тооллогодоо http://www.2025.mn холбоосоор хандаж, дан системээр нэвтрэн хамрагдах боломжтой. Тус холбоосоор нэвтэрч “ТООЛЛОГОД ХАМРАГДАХ” товчийг дарснаар “ДАН” систем рүү шилжих бөгөөд холбогдох зааврын дагуу тооллогын асуулгад нэвтрэх боломжтой болно. Та хувь хүний болон өрхийн гишүүдийн төрийн байгууллагад бүртгэгдсэн мэдээллийг харах боломжтой бөгөөд хэрэв мэдээлэл зөрүүтэй бол засварлах боломжтой.
Мөн “E-Mongolia” системээр нэвтэрч Хүн ам, орон сууцны завсрын тооллогодоо хамрагдаарай.
Гадаад улсад ажиллаж, амьдарч байгаа иргэд http://www.citizen.2025.mn холбоосоор хандаж, тооллогодоо хамрагдах боломжтой.
