Нүүдэлчдийн соёлыг сурталчилж буй “Морьт” амралтын газрынхан

БНХАУ-ын нийслэл Бээжин хотноо нүүдэлчдийн соёл, зан заншил, өв уламжлалыг сурталчлах “Гаргийн амралтын отор” нэртэй өдөрлөг болжээ. Уг үйл ажиллагааг Бээжин хотын Шижиншан дүүргийн засгийн ордон болон “Морьт” амралтын газрынхан хамтран зохион байгуулсан байна. Нүүдлийн соёл иргэншил, орчин үеийн эрүүл амьдралыг хослуулсан аялал жуулчлалыг хөгжүүлж буй уг амралтын газрынхан өөрсдийн үйл ажиллагааг гар урлалын үйлдвэрлэл, худалдаа, тоглоом наадгай зэрэг олон чиглэлээр өргөжүүлж байгаа ажээ.