Засгийн газрын өнөөдрийн хуралдаанаар Ганцмод-Гашуунсухайтын хил холболтын төмөр замын бүтээн байгуулалтын ажлыг тавдугаар сарын 14-нд багтаан эхлүүлэх графикт төлөвлөгөөний явцтай танилцжээ. Тарифаас үүдэлтэй олон улсын эдийн засгийн хүндрэлийг сөрөн гарах арга хэмжээнүүдийн нэг нь энэхүү экспортын зам юм. “Эрдэнэбүрэнгийн УЦС”-ын бүтээн байгуулалтыг 6-р сард, Туулын хурдны замын бүтээн байгуулалтын ажлыг зургадугаар сарын 15-наас өмнө эхлүүлэхээр ажиллаж байгаа юм байна.
Ерөнхий сайд Л.Оюун-Эрдэнэ дөрвөн улиралтай орны хувьд бүтээн байгуулалтыг богино хугацаанд хийж, бага улс төржиж, их зүйлийг амжуулах хэрэгтэй гэдгийг онцолжээ.
