Г.Өсөхбаяр аваргын хүү Ө.Дэмиджамц өвдөг шороодолгүй 50 хувийн амжилтаа үзүүллээ

Японы мэргэжлийн сүмод барилдаж буй, дархан аварга Г Өсөхбаярын хүү “Исэгэхама” дэвжээний Сэйхакүхо Ө.Дэмиджамц макүшита зиндаанд өвдөг шороодолгүй дөрөв давж качикоши буюу 50-иас дээш хувийн амжилтаа үзүүлжээ.

Ө.Дэмиджамц Их аварга Хакүхогийн “Миягино” дэвжээнд харъяалагддаг бөгөөд өнгөрсөн 2024 оны гуравдугаар сард анх сүмод хөл тавьж, жоникүчи зиндаанд барилдан, тавдугаар сарын башёд зургаа давснаар долдугаар сард жонидан зиндаанд долоо даван түрүүлж байв.