Батлан хамгаалахын сайд С.Бямбацогт БНТУ-ын Үндэсний Батлан Хамгаалахын Их сургуулийн харьяа Агаарын цэргийн сургуулийн үйл ажиллагаатай танилцжээ. Тус сургууль нь 1200 сонсогчтой ба хуурай зам, тусгай хүчин, агаарын цэрэг, тэнгисийн цэргийн чиглэлээр сургалт явуулдаг.
Одоогийн байдлаар уг сургуульд 4 монгол оюутан суралцаж байгаа бөгөөд цаашид суралцагчдын тоог нэмэгдүүлэх талаар сургуулийн удирдлагуудтай тохиролцон дрон, электроникийн инженер болон кибер аюулгүй байдлын чиглэлээр мэргэжилтэн бэлтгэхээр боллоо. Сургуулийн удирлагууд ч Монголоос ирэх оюутнуудад өөриймсөг хандаж, бүх талаар дэмжин ажиллахаа илэрхийллээ. Ингэснээр Батлан хамгаалахын аж үйлдвэрлэлийг хөгжүүлэхэд чухал шаардлагатай мэргэжилтнүүд бэлтгэгдэнэ.
