Мэргэжлийн сүмогийн хацү башё өнөөдөр өндөрлөлөө. Сүүлийн өдрийн тэмцээн маш сонирхолтой өрнөж, озэки Хоошорюү С.Бямбасүрэн хоёр нэмэлт барилдаан хийж ялалт байгуулснаар эзэн хааны цомыг хоёр дахиа гардаж, ёкозүна цолны болзол хангалаа. Энэ сарын башёгийн тав дахь өдөр ёкозүна Тэрүнофүжи Г.Ган-Эрдэнэ тэмцээнийг орхиж, улмаар зодог тайлахаа мэдэгдсэнээр дараагийн ёкозүнагийн талаар таамаг эхэлсэн. Озэки нараас Котозакүра, Хоошорюү хоёр энэ цолонд хамгийн ойрхон байгааг ч сүмогийн мэргэжилтнүүд онцолж байв. Харин Котозакүра энэ сард тун амжилтгүй барилдаж 50 хувийн амжилтаа ч үзүүлж чадсангүй. Их аваргагүй үргэлжилсэн башёг маэгаширагийн 14-т бичигдсэн Кинбозан тэргүүлсээр, түүний араас озэки Хоошорюү С.Бямбасүрэн тэргүүтэй гурван ч бөх нэхэж байв. Башёгийн сүүлийн өдөр тэмцээнийг 12 даваа, хоёр унаатай хошуучилж явсан Кинбозан маэгаширагийн гурав дахь бөх Оход унав. Харин 11 даваа, гурван унаатай явсан озэки Хоошорюү учраагаа давсан. Ингэснээр Хоошорюү, Кинбозан, Охо гэсэн гурван бөх адилхан 12 даваа, гурван унаатай болж, нэмэлт барилдаанууд хийсэн юм. Хоошорюү С.Бямбасүрэн Кинбозаныг ёрикири мэхээр, Охог ёритаоши мэхээр тус тус давж түрүүллээ. Ийнхүү тэрбээр мэргэжлийн сүмогийн 74 дэх ёкозүна цолыг хүртэх болзлоо хангалаа.
Монголын сүмо бөхчүүдийн ёкозуна (их аварга) цол хүртсэн бөхчүүдийг дурдвал:
1. 68 дахь ёкозуна: Асашёорюү Д.Дагвадорж
• Ёкозуна цол хүртсэн он: 2003
• Монголын анхны ёкозуна.
2. 69 дэх ёкозуна: Хакүхо М.Даваажаргал
• Ёкозуна цол хүртсэн он: 2007
• Бүх цаг үеийн хамгийн олон түрүүтэй .
3. 70 дахь ёкозуна: Харумафүжи Д.Бямбадорж
• Ёкозуна цол хүртсэн он: 2012
• Гоёмсог, хурдтай техниктэйгээ бөх байлаа
4. 71 дэх ёкозуна: Какүрюү Ананд
• Ёкозуна цол хүртсэн: 2014 оны 3 сард
• Миний хамгийн дуртай сумоч, дээд зиндаанд 6 түрүүлсэн
• Зодог тайлсан: 2021 оны 3 сар
5. 73 дахь ёкозуна: Тэрүнофүжи Г.Ган-Эрдэнэ
• Ёкозуна цол хүртсэн он: 2021
• Хүнд бэртлийг даван туулж, оргилд эргэн гарсан гайхалтай түүхтэй.
6. 74 дэх ёкозуна: Хошёорюү С.Бямбасүрэн (болзлоо хангаад байна)
• 2025 оны Хацу башёд түрүүлснээр ёкозуна болох болзлоо хангасан.
Өнөөдөр маш сайн байлаа. Өмнө нь тэрээр 2023 оны 7-р сарын Нагоя башё-д 12:3 даваатайгаар түрүүлж байсан.
