Saturday, November 21, 2026

Хоошорюү, Киришима нар түрүүлэх боломж хэвээрээ байна

Date:

Японы мэргэжлийн сүмогийн хацү башёгийн 13 дахь өдөр монгол сүмочдоос тэмцээнийг тэргүүлэгчдийн хоёрдугаар эгнээнд бичигдэж байгаа озэки С.Бямбасүрэн, маэгаширагийн баруун жигүүрийн тэргүүн бөх Киришима Б.Лхагвасүрэн нар учраагаа давлаа. Башёг хошуучилж яваа маэгаширагийн баруун жигүүрийн 14 дэх бөх Кинбозан өнөөдөр озэки Котозакүраг давж манлайлагчийн байр сууриа хадгалж үлдэв. Котозакүра озэки харин найман унаатай болж 50-иас доош хувийн амжилт буюу накикоши болов.

Тамаваши Б.Мөнх-Оргил давснаар найман даваа, таван унаатай, 50-иас дээш хувийн амжилтаа үзүүллээ. Чиёошома Г.Мөнхсайхан өнөөдөр учраагаа барсангүй. Тэрбээр мөн найман даваа, таван унаатай тэмцээнийг үргэлжлүүлж байна.

Их аваргагүй башёд ийнхүү монголын хоёр сэкитори түрүү булаалдах магадлал өндөр байна. Маргааш башёгийн тэргүүлэгчдийн нэг, хоёрдугаар эгнээнд бичигдэж байгаа дөрвөн бөх хоорондоо учраа таарчээ. Тухайлбал, тэмцээнийг тэргүүлж буй маэгаширагийн 14 дэх бөх Кинбозан Киришима Б.Лхагвасүрэнтэй, манлайлагчдын хоёрдугаар эгнээнд яваа маэгаширагийн 11 дэх бөх Такарүфүжи озэки Хоошорюү С.Бямбасүрэнтэй тус тус барилдана.

ХАРИУ ҮЛДЭЭХ

Сэтгэгдэл оруулна уу!
энд нэрээ оруулна уу

Share post:

Онцлох мэдээ

Монгол Улсын Ерөнхийлөгчийг үүрэгт ажлаас нь чөлөөлөв

Монгол Улсын Ерөнхийлөгчийг хүсэлтийнх нь дагуу үүрэгт ажлаас нь...

Монгол Улсын Ерөнхийлөгчийн үүрэгт ажлаасаа өөрийн хүсэлтээр чөлөөлөгдөх үеэрээ хэлсэн үг

Монгол Улсын Ерөнхийлөгч Ухнаагийн Хүрэлсүх төрийн тэргүүн рүү чиглэсэн...

Хөрөнгө хураах тухай хуулийн төслийг УИХ-д өргөн барина

Монгол Улсын Ерөнхий сайд Н.Учрал өнөөдөр хэвлэл мэдээллийнхэнд хийсэн...

Эгийн голын УЦС төслийг байгаль орчинд сөрөг нөлөөгүй хэрэгжүүлэх боломжтой гэсэн урьчилсан дүгнэлт гарчээ

Монгол, Оросын эрдэмтдийн хамтарсан судалгаагаар Эгийн голын усан цахилгаан...