Зам тээврийн яамнаас олон улс, улсын чанартай авто зам дагуух үйлчилгээг сайжруулах чиглэлээр авто зам дагуух үйлчилгээний цогцолбор, амрах талбай байгуулах төслийг хувийн хэвшлийн аж ахуйн нэгж, байгууллагатай хамтарч хэрэгжүүлж байна.
Энэ хүрээнд Япон Улсын Ротари клубтэй хамтран хөгжлийн бэрхшээлтэй иргэдийн хөдөлмөр эрхлэлтийг дэмжих, ажиллах зориулалттай үйлчилгээний байгууламж байгуулахаар Япон Улсад болон Монгол Улсад үйл ажиллагаа явуулж байгаа Ротари клубтэй хамтарсан уулзалт хийлээ.
Энэхүү хамтарсан төслийн хүрээнд гэрээрээ ажил хөдөлмөр эрхэлдэг хөгжлийн бэрхшээлтэй иргэдийг ажлын байртай болгох, нийгмийн амьдралд хэвийн оролцож ажил, орлоготой амьдрах нөхцөлийг бүрдүүлэх туршилтын төслийг хэрэгжүүлж цаашид үргэлжлүүлээд сүлжээ үйлчилгээний газруудыг бий болгох зорилготой юм.
