ОХУ-ын Засгийн газар эрчим хүчний нүүрс, антрацитын нүүрсний экспортын татварыг энэ оны тавдугаар сарын 1-нээс наймдугаар сарын 31-ний хооронд цуцлах шийдвэр гаргаснаа өчигдөр мэдэгджээ. Энэхүү шийдвэр нь дотоодын нүүрсний салбарын компаниудаа дэмжих зорилготой юм.
ОХУ-ын Засгийн газар өнгөрсөн гуравдугаар сарын 1-нээс эхлэн нүүрсний экспортын уян хатан тарифыг рублийн ханштай уялдуулан тогтоосон аж. Рублийн ханшнаас хамааран татварын хэмжээ 4-7 хувийн хооронд хэлбэлздэг. Хэрэв рублийн доллартай харьцах ханш 80:1-ээс бага бол татвар нь 0 байх аж. Одоогоор рубль, долларын ханш 92 орчим байгаа юм.
