“Эрдэнэс Тавантолгой” ХК-ийн 2023 оны үйл ажиллагаанд санхүүгийн аудит хийж дуусчээ. Тиймээс тус компани иргэдийн 1072 хувьцааны ногдол ашгийг өнөөдөр буюу 2024 оны дөрөвдүгээр сарын 04-ний өдрөөс иргэдийн дансанд шилжүүлж эхлэх юм байна. Ногдол ашиг иргэдийн өмнө нь 2022 оны ногдол ашиг шилжиж орсон дансаар тараагдана.
Энэ удаа хувьцааны нэг бүрийг 239.4 төгрөгөөр үнэлсэн бөгөөд 1072 ширхэг хувьцаатай иргэн 256,636 төгрөг авах юм байна. Харин 2011-2012 онд ахмад настан, хөгжлийн бэрхшээлтэй иргэд 1 сая төгрөгийн хишиг хувь авсан бол ногдол ашиг авахгүй. Мөн оюутны сургалтын төлбөр хэлбэрээр, ЭМД хүртсэн, “Сайн хувьцаа” арга хэмжээний хүрээнд хүсэлт гарган хувьцаагаа худалдсан хувьцаа эзэмшигчдэд хувьцааны өөрчлөлт гарч буй. Тухайлбал, 750 ширхэг хувьцаатай бол 179104, 222 ширхэг хувьцаатай бол 53014 төгрөг авах юм. Доорх линкээр хувьцааны мэдээлэлээ шалгаж нягтлаарай. Хувьцааны мэдээллээ https://net.mcsd.mn/registration/default.jsp холбоосоор эсвэл 158989 дугаарт регистрийн дугаараа мессежээр илгээж шалгана.
