Нидерландын Лейден хотын ойролцоо хүний биеийн анатомийг танилцуулдаг интерактив музей байдаг. Энэхүү “Корпус” музей 2008 онд байгуулагджээ. Музейг хүний биеийн дотор орж аялж байгаа мэт зохиомоор барьж байгуулсан байна.
Хүний биеийн эрхтнүүдээр дамжин өнгөрөх аялал үнэхээр гайхалтай мэдрэмж төрүүлдэг гэнэ. Уг музейг үзсэнээрээ хүний бие бүтэц болон эрхтэнүүдийн үйл ажиллагаатай танилцах болно. Нэг ээлжинд хамгийн олондоо 16 хүнтэй баг музейгээр аялдаг бөгөөд аудио аяллын үеэр хүний биеийн тухай мэдээлэл авч, сонирхолтой баримтуудыг олж мэддэг аж. Аудио тайлбарууд нь голланд, англи, герман, франц, испани, итали, орос, хятад гэсэн 8 хэл дээр байдаг гэнэ. Энэхүү интерактив аялал бүхий музейд 8-аас доош насны хүүхдүүд орохыг хориглодог байна.
